പ്രസിഡന്റ് സ്ഥാനം താന് രാജിവയ്ക്കില്ലെന്ന് എ.പത്മകുമാര്
തിരുവനന്തപുരം: ദേവസ്വം ബോര്ഡ് പ്രസിഡന്റ് സ്ഥാനം താന് രാജിവയ്ക്കില്ലെന്ന് എ.പത്മകുമാര്. പ്രസിഡന്റ് സ്ഥാനത്ത് നവംബര്വരെ തുടരുമെന്നും അദ്ദേഹം വ്യക്തമാക്കി. തിരുവിതാംകൂര് ദേവസ്വം ബോര്ഡ് പെന്ഷനേഴ്സ് വെല്ഫെയര് സഹകരണസംഘം പ്രവര്ത്തനോദ്ഘാടന വേദിയില് സംസാരിക്കുകയായിരുന്നു അദ്ദേഹം.
തര്ക്കമുണ്ടാക്കി ബോര്ഡിലെ ഐക്യം തകര്ക്കാമെന്നു കരുതേണ്ട. ദേവസ്വം കമ്മിഷണറോട് വിശദീകരണം ചോദിച്ചിട്ടില്ല. റിപ്പോര്ട്ട് കിട്ടട്ടെയെന്ന് പറഞ്ഞത് ചിലര് ദുര്വ്യാഖ്യാനം ചെയ്തു. സുപ്രീംകോടതി വിധി യുവതീ പ്രവേശത്തിന് അനുകൂലമെങ്കില് എന്തു വേണമെന്ന് ആലോചിച്ചു തീരുമാനിക്കും.
മറിച്ചാണെങ്കില് പഴയ സ്ഥിതി തുടരും. വികാരപരമായല്ല വിചാരപരമായാണ് കാര്യങ്ങളെ കാണുന്നത്. ശബരിമല വികസനത്തിന് 739 കോടി അനുവദിച്ച സര്ക്കാരിനൊപ്പം നില്ക്കുമെന്നും പത്മകുമാര് വ്യക്തമാക്കി. ദേവസ്വം കമ്മിഷണര് എന്. വാസു വേദിയിലിരിക്കെയാണ് അദ്ദേഹം കാര്യങ്ങള് വ്യക്തമാക്കിയത്