ബി.ജെ.പിയെക്കാള് വര്ഗ്ഗീയത സി.പി.എമ്മിനാണെന്ന് മുസ്ലീംലീഗ്
മലപ്പുറം: ബിജെപിയും നരേന്ദ്രമോദിയും കാണിക്കുന്നതിനെക്കാള് മോശമായ വര്ഗീയതയാണ് സിപിഎം കേരളത്തില് കാണിക്കുന്നതെന്ന അതിരൂക്ഷ വിമര്ശനവുമായി മുസ്ലീം ലീഗ്.
സമുദായങ്ങളെ ഭിന്നപ്പിക്കാന് സിപിഎം ശ്രമിക്കുന്നുവെന്ന് മുസ്ലീം ലീഗ് ദേശീയ സെക്രട്ടറി ഇ.ടി.മുഹമ്മദ് ബഷീര് മലപ്പുറത്ത് പറഞ്ഞു.
മുഖ്യമന്ത്രിയുടെ ജല്പ്പനങ്ങള്ക്ക് വില കൊടുക്കുന്നില്ല. മൗലികമായ കാര്യങ്ങളില് പോലും മുസ്ലീം ലീഗ് വിട്ടുവീഴ്ച്ചക്ക് തയ്യാറാകില്ല. കേരളത്തില് വര്ഗീയത കാണിക്കുന്നത് സിപിഎമ്മാണ്. കേരളത്തിലെ സമുദായങ്ങളെ ഭിന്നപ്പിക്കാനാണ് സിപിഎം ശ്രമിക്കുന്നത്. ചില വിഭാഗങ്ങളെ കൂടെ നിര്ത്താന് ശ്രമിക്കുകയും മറ്റ് ചിലരെ പ്രീണിപ്പിക്കുകയും ചെയ്യുന്നു. ചിലരെ ചവിട്ടിപ്പുറത്താക്കുന്നു. ഇതാണ് സിപിഎം മുന്നോട്ട് കൊണ്ട് പോകുന്ന രീതി. അതുകൊണ്ട് തന്നെ മുഖ്യമന്ത്രിയുടെ വിമര്ശനങ്ങളെ ഭയമില്ലെന്നും ഇ.ടി.മുഹമ്മദ് ബഷീര് പറഞ്ഞു.