കണ്ണൂര് വി.സിക്ക് മാവോയിസ്റ്റ് ഭീഷണി; പോലീസ് അന്വേഷണം ആരംഭിച്ചു
കണ്ണൂര്: കണ്ണൂര് സര്വകലാശാല വൈസ് ചാന്സലര് ഗോപിനാഥ് രവീന്ദ്രന് മാവോയിസ്റ്റുകളുടെ വധഭീഷണി. കബനീ ദളമെന്ന പേരില് തപാല് വഴി എത്തിയ കത്തില് അതിരൂക്ഷമായ പരാമര്ശങ്ങളാണുള്ളത്.
വി സിയുടെ ശിരസ് വെട്ടി സര്വകലാശാലയുടെ വളപ്പില് വയ്ക്കുമെന്ന് ഭീഷണിയുണ്ട്.
മലയാള വിഭാഗം അസോസിയേറ്റ് പ്രൊഫസറായി പ്രിയ വര്ഗീസിന് വഴിവിട്ട നിയമനം നല്കിയാല് കനത്ത പ്രത്യാഘാതമുണ്ടാകുമെന്നാണ് കത്തിലെ മറ്രൊരു മുന്നറിയിപ്പ്. കണ്ണൂര് സിവില് സ്റ്റേഷന് പരിസരത്തുള്ള പോസ്റ്റ് ബോക്സില് നിന്നാണ് കത്ത് പോസ്റ്റ് ചെയ്തിരിക്കുന്നതെന്ന് കണ്ടെത്തിയിട്ടുണ്ട്. ഇന്ന് തന്നെയാണ് കത്ത് പോസ്റ്റ് ചെയ്തിരിക്കുന്നതും. സംഭവത്തില് പൊലീസ് അന്വേഷണം ആരംഭിച്ചു.