പിങ്ക് പോലീസ് ഉദ്യോഗസ്ഥയ്ക്കെതിരെ എന്ത് നടപടി സ്വീകരിച്ചുവെന്ന് സര്ക്കാരിനോട് ഹൈക്കോടതി
കൊച്ചി: ആറ്റിങ്ങലില് പിതാവിനെയും മകളെയും പിങ്ക് പോലീസ് ഉദ്യോഗസ്ഥ പൊതുമധ്യത്തില് മോഷ്ടാക്കളാക്കി ചിത്രീകരിച്ച് വിചാരണ നടത്തിയ സംഭവത്തില് പിങ്ക് പോലീസ് ഉദ്യോഗസ്ഥയായ രജിതക്കെതിരെ എന്ത് നടപടി സ്വീകരിച്ചുവെന്ന് സര്ക്കാരിനോട് ഹൈക്കോടതി.
വഴിയില് കണ്ട കുട്ടിയോട് എന്തിനാണ് പോലീസ് മൊബൈല് ഫോണ് ചോദിച്ചത്. ഈ ഉദ്യോഗസ്ഥ ഇപ്പോഴും പിങ്ക് പോലീസില് തുടരുന്നുണ്ടോ എന്നും ഹൈക്കോടതി ചോദിച്ചു. ഉദ്യോഗസ്ഥയ്ക്ക് നോട്ടീസ് അയക്കുമെന്നും കോടതി അറിയിച്ചു. കേസ് ഈ മാസം 29ന് വീണ്ടും പരിഗണിക്കും.
പിങ്ക് പോലീസിന്റെ അതിക്രമത്തിനിരയായ പെണ്കുട്ടി നല്കിയ ഹരജി പരിഗണിക്കവേയാണ് ഹൈക്കോടതിയുടെ ചോദ്യം. തിരുവനന്തപുരം സ്വദേശി ജയചന്ദ്രനെയും മകളെയുമാണ് സിവില് പോലീസ് ഓഫീസര് രജിത പരസ്യവിചാരണ നടത്തിയത്.