തിരുവനന്തപുരം ജില്ലയില് നാളെ ബിജെപി ഹര്ത്താല്
തിരുവനന്തപുരം: ശബരിമല വിഷയമുന്നയിച്ച് നിരാഹാരമിരിക്കുന്ന എ.എന്.രാധാകൃഷ്ണന്റെ സമരം അവസാനിപ്പിക്കാന് നടപടിയെടുക്കണമെന്ന് ആവശ്യപ്പെട്ട് ബിജെപി – യുവമോര്ച്ച പ്രവര്ത്തകര് നടത്തിയ സെക്രട്ടേറിയറ്റ് മാര്ച്ചില് വന് സംഘര്ഷം. പ്രതിഷേധക്കാര് പൊലീസിനെതിരെ കല്ലെറിഞ്ഞു. ഇതോടെ പൊലീസ് കണ്ണീര് വാതകവും ജലപീരങ്കിയും പ്രയോഗിച്ചു. പ്രവര്ത്തകര് റോഡില് കുത്തിയിരുന്ന് മുദ്രാവാക്യം വിളിച്ചു.
പ്രവര്ത്തകരും പൊലീസും തമ്മിലുണ്ടായ ഉന്തും തള്ളും സംഘര്ഷത്തില് കലാശിച്ചു. പ്രകോപനത്തെ തുടര്ന്ന് പൊലീസ് ലാത്തി വീശുകയും ജല പീരങ്കി പ്രയോഗിക്കുകയും ചെയ്തു. പൊലീസിനെതിരെ വ്യാപക അക്രമമാണ് പ്രവര്ത്തകര് അഴിച്ചുവിട്ടത്. എന്നാല് തുടര്ച്ചയായുള്ള പ്രകോപനങ്ങളെ പൊലീസ് സംയമനത്തോടെയാണു നേരിടുന്നത്. പൊലീസിന്റെ ഷീല്ഡ് പ്രവര്ത്തകര് തകര്ത്തു. സംഘര്ഷത്തില് ഒരു വനിതാ പ്രവര്ത്തകയ്ക്കു തലയ്ക്കു പരുക്കേറ്റു.പൊലീസ് നടപടിയില് പ്രതിഷേധിച്ച് തിരുവനന്തപുരം ജില്ലയില് നാളെ ഹര്ത്താലിനു ബിജെപി ആഹ്വാനം ചെയ്തു.