ഷോളയാര്‍ ഡാം തുറന്നു; ജാഗ്രത പാലിക്കണമെന്ന് നിര്‍ദ്ദേശം
തിരുവനന്തപുരം: ഷോളയാര്‍ ഡാം തുറന്നതോടെ താഴ്ന്ന പ്രദേശങ്ങളിലുള്ളവര്‍ ജാഗ്രത പാലിണമെന്ന് നിര്‍ദ്ദേശം.
ചാലക്കുടിയില്‍ വൈകീട്ട് നാല് മണിയോടെ വെള്ളമെത്തും. ചാലക്കുടി പുഴയുടെ തീരപ്രദേശങ്ങളിലുള്ളവര്‍ അതീവ ജാഗ്രതപാലിക്കണമെന്ന് അധികൃതര്‍ അറിയിച്ചു.
അതേസമയം, ഇടുക്കി അണക്കെട്ടില്‍ രാവിലെ ഏഴുമണി മുതല്‍ ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. ഏഴ് മണിയോടെ ജലനിരപ്പ് 2396.86 അടിയില്‍ എത്തിയതിനെ തുടര്‍ന്നാണ് ഓറഞ്ച് അലര്‍ട്ട് പ്രഖ്യാപിച്ചത്.
വൃഷ്ടി പ്രദേശങ്ങളില്‍ തുടര്‍ച്ചയായി ലഭിക്കുന്ന അതിശക്തമായ മഴയാണ് ജലനിരപ്പ് ഉയരാന്‍ കാരണമാകുന്നത്. മുല്ലപ്പെരിയാര്‍ അണക്കെട്ടിലും ജലനിരപ്പ് ഉയരുകയാണ്. ജലനിരപ്പ് 133 അടി പിന്നിട്ടു. എറണാകുളം ഇടമലയാര്‍ അണക്കെട്ടില്‍ ബ്ലുഅലര്‍ട്ട് പ്രഖ്യാപിച്ചിട്ടുണ്ട്. മഴയ്ക്ക് ശമനമുണ്ടെങ്കിലും വീണ്ടും വരും ദിവസങ്ങളില്‍ ശക്തമാകുമെന്നാണ് മുന്നറിയിപ്പ്.