മന്ത്രിയായി കെ കൃഷ്ണൻകുട്ടി സത്യപ്രതിജ്ഞ ചെയ്തു
തിരുവനന്തപുരം: മാത്യു ടി തോമസ് രാജിവച്ച ഒഴിവിൽ മന്ത്രിയായി കെ കൃഷ്ണൻകുട്ടി സത്യപ്രതിജ്ഞ ചെയ്തു. രാജ്ഭവനിൽ നടന്ന ചടങ്ങിൽ ഗവർണർ ജസ്റ്റിസ് പി സദാശിവം സത്യവാചകം ചൊല്ലിക്കൊടുത്തു.
മുഖ്യമന്ത്രിയടക്കമുള്ളവർ ചടങ്ങിനെത്തിയപ്പോൾ യുഡിഎഫ് ചടങ്ങ് ബഹിഷ്ക്കരിച്ചു. ശബരിമലയുള്പ്പെടെയുള്ള വിഷയങ്ങളില് സര്ക്കാര് കൈക്കൊണ്ട നടപടിയില് പ്രതിഷേധിച്ചാണ് ചടങ്ങ് ബഹിഷ്കരിക്കുന്നതെന്ന് യുഡിഎഫ് നേതാക്കള് പറഞ്ഞു. ബിജെപി എംഎൽഎ ഒ രാജഗോപാൽ, സ്വതന്ത്ര എംഎൽഎ പിസി ജോർജ് തുടങ്ങിയവരും ചടങ്ങിനെത്തി.
മാത്യു ടി തോമസ് കൈകാര്യം ചെയ്തിരുന്ന ജലവിഭവ വകുപ്പ് തന്നെയാണ് കൃഷ്ണൻകുട്ടിയും കൈകാര്യം ചെയ്യുക. പാർട്ടി തീരുമാനത്തെ തുടർന്ന് ഇന്നലെയാണ് മാത്യു ടി തോമസ് രാജി സമർപ്പിച്ചത്.