ട്രിപ്പിള് ലോക്ഡൗണ് ലംഘിച്ച് പുറത്തിറങ്ങുന്നവര്ക്ക് കോവിഡ് പരിശോധന
തിരുവനന്തപുരം: ട്രിപ്പിള് ലോക്ഡൗണ് ലംഘിച്ച് പുറത്തിറങ്ങുന്നവര്ക്ക് കോവിഡ് പരിശോധന നടത്തുമെന്ന് മുഖ്യമന്ത്രി പിണറായി വിജയന്. ആന്റിജന് ടെസ്റ്റാണ് നടത്തുകയെന്നും മുഖ്യമന്ത്രി വ്യക്തമാക്കി. ക്വാറന്റീനിലുള്ളവര് പുറത്തിറങ്ങിയാല് കേസെടുക്കും. പിന്നീട് ഇവരെ കരുതല് നിരീക്ഷണ കേന്ദ്രങ്ങളിലാക്കും.
മലപ്പുറത്തും പാലക്കാട്ടും കൂടുതല് ജാഗ്രത പുലര്ത്തണം. മലപ്പുറത്ത് കൂടുതല് പേര്ക്കും രോഗം പകരുന്നത് വീടുകളില് നിന്നാണ്. ട്രിപ്പിള് ലോക്ഡൗണ് മലപ്പുറത്ത് ഇതുവരെയായിട്ടും ഫലം കാണുന്നില്ല. ബ്ലാക്ക് ഫംഗസ് രോഗം ചികിത്സിക്കുന്നതിനായി പ്രോട്ടോകോള് കൊണ്ടു വരുമെന്നും അദ്ദേഹം പറഞ്ഞു.