ആര്ത്തവം അശുദ്ധിയുണ്ടാക്കുമെന്ന് എന്നത് സ്ത്രീയുടെ വ്യക്തിപരമായ തീരുമാനമായിരിക്കണമെന്നു വൃന്ദ കാരാട്ട്
ന്യൂഡല്ഹി : ക്ഷേത്രത്തില് പ്രവേശിക്കുന്നതിന് തടസമാകും വിധമുള്ള അശുദ്ധി ആര്ത്തവ കാലത്തുണ്ടാകുമോ എന്നത് സ്ത്രീയുടെ വ്യക്തിപരമായ തീരുമാനമായിരിക്കണമെന്നു സിപിഎം പൊളിറ്റ്ബ്യൂറോ അംഗം വൃന്ദ കാരാട്ട്. ക്ഷേത്രപ്രവേശന വിളംബരത്തിന്റെ 82-ാം വാര്ഷികാഘോഷത്തിന്റെ ഭാഗമായി ഡല്ഹി കേരളഹൗസില് പിആര്ഡി സംഘടിപ്പിച്ച സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അവര്.
വിശ്വാസത്തിന്റെ ഭാഗമായി ആര്ത്തവം അശുദ്ധിയുണ്ടാക്കുമെന്ന് കരുതുന്ന സ്ത്രീകള് ധാരാളമുണ്ട്. അവര്ക്ക് അങ്ങനെ ചിന്തിച്ച് ക്ഷേത്രത്തില് പ്രവേശിക്കാതിരിക്കാം. എന്നാല് മറിച്ച് ചിന്തിക്കുന്നവരെ അശുദ്ധി ആരോപിച്ച് ക്ഷേത്രത്തില് പ്രവേശിപ്പിക്കാതിരിക്കുന്നത് പുരോഗതിയിലേക്ക് പോകുന്ന ഒരു സമൂഹത്തിന് ചേര്ന്നതല്ലെന്നും അവര് കൂട്ടിച്ചേര്ത്തു.