കരിപ്പൂര് വിമാനത്താവളത്തില് വീണ്ടും സ്വര്ണവേട്ട
കൊണ്ടോട്ടി: കരിപ്പൂര് വിമാനത്താവളത്തില് നിന്ന് 46 ലക്ഷത്തിന്റെ സ്വര്ണം എയര് കസ്റ്റംസ് ഇന്റലിജന്സ് പിടികൂടി. മിശ്രിതം ശരീരത്തിനകത്തും സ്വര്ണം ബാഗേജിലുമായി ഒളിപ്പിച്ച് കടത്താന് ശ്രമിച്ചപ്പോള് ആണ് പിടികൂടിയത്. ഫ്ളൈ ദുബായില് വിമാനത്തില് ദുബായില് നിന്ന് എത്തിയ കോഴിക്കോട് സ്വദേശിയില് നിന്നാണ് സ്വര്ണം പിടികൂടിയത്.
805 ഗ്രാം സ്വര്ണമിശ്രിതവും 558 ഗ്രാം സ്വര്ണവുമാണ് ഇയാളുടെ കൈയില് നിന്ന് പിടികൂടിയത്. കസ്റ്റംസ് അസിസ്റ്റന്റ് കമ്മിഷണര് എ.കെ.സുരേന്ദ്രനാഥ്,സൂപ്രണ്ടുമാരായ കെ. സുധീര്, ഐസക് വര്ഗീസ്, സി.പി. സബീഷ്, എം. പ്രകാശ്, ഇന്സ്പെക്ടര്മാരായ രാമന്ദ്രേ സിംഗ് എന്നിവര് അടങ്ങിയ സംഘമാണ് സ്വര്ണം പിടികൂടിയത്.