ശശി തരൂരിന്റെയും മാധ്യമപ്രവര്ത്തകരുടെയും അറസ്റ്റ് തടഞ്ഞ് സുപ്രീംകോടതി
ന്യൂഡല്ഹി: രാജ്യദ്രോഹേകസില് ശശി തരൂര് എം.പിയുടെയും ആറു മാധ്യമപ്രവര്ത്തകരുടെയും അറസ്റ്റ് തടഞ്ഞ് സുപ്രീംകോടതി. റിപബ്ലിക് ദിനത്തിലെ ട്രാക്ടര് റാലിക്കിടെയുണ്ടായ അക്രമ സംഭവങ്ങളുമായി ബന്ധപ്പെട്ട് പങ്കുവെച്ച ട്വീറ്റുകളെ തുടര്ന്നാണ് ഇവര്ക്കെതിരെ രാജ്യേദ്രാഹകേസെടുത്തത്.
രണ്ടാഴ്ചക്ക് ശേഷം കേസ് വീണ്ടും പരിഗണിക്കും. ഡല്ഹി െപാലീസിനും ഉത്തര്പ്രദേശ് പൊലീസിനും സുപ്രീംകോടതി നോട്ടീസ് അയക്കുകയും ചെയ്തു. രണ്ടാഴ്ചക്കകം മറുപടി നല്കാനാണ് നിര്ദേശം.
ഡല്ഹി പൊലീസിന് വേണ്ടി സോളിസിറ്റര് ജനറല് തുഷാര് മെഹ്തയാണ് ഹാജരായത്. എതിര്ഭാഗത്തിന് വേണ്ടി കപില് സിബലും ഹാജരായി. ചീഫ് ജസ്റ്റിസ് എസ്.എ. ബോബ്ഡെ അധ്യക്ഷനായ ബെഞ്ചാണ് ഹരജി പരിഗണിച്ചത്.
ശശി തരൂരിനെ കൂടാതെ മാധ്യമപ്രവര്ത്തകരായ രാജ്ദീപ് സര്ദേശായി, മൃണാള് പാണ്ഡെ, സഫര് അഗാ, വിനോദ് കെ. ജോസ്, പരേശ് നാഥ്, ആനന്ദ് നായ് എന്നിവര്ക്കെതിരെയാണ് രാജ്യദ്രോഹകുറ്റം ചുമത്തിയത്.