തോമസ് ഐസകിന് സമരങ്ങളോട് അലര്ജിയും പുച്ഛവുമാണെന്ന് രമേശ് ചെന്നിത്തല
തിരുവനന്തപുരം: ധനമന്ത്രി തോമസ് ഐസകിന് സമരങ്ങളോട് അലര്ജിയും പുച്ഛവുമാണെന്ന് പ്രതിപക്ഷ നേതാവ് രമേശ് ചെന്നിത്തല. ഭരണം തലക്ക് പിടിച്ചതുകൊണ്ടാണ് ഈ നിലപാടെന്നും ചെന്നിത്തല പറഞ്ഞു. പാലക്കാട് ഐശ്യര്യ കേരള യാത്രക്കിടെ സംസാരിക്കുകയായിരുന്നു അദ്ദേഹം.
പ്രധാനമന്ത്രി നേരന്ദ്ര മോദിയുടെ സമര ജീവി നിലപാടിന് സമാനമാണ് ഐസകിേന്റതും. സമരജീവികളെന്ന് വിളിക്കുന്ന മോദിയും ഐസക്കും തമ്മില് എന്താണ് വ്യത്യാസമെന്നും ചെന്നിത്തല ചോദിച്ചു.
യു.ഡി.എഫ് ചെറുപ്പക്കാരെ ഇളക്കിവിടുമെന്ന് പറയുന്നത് ജല്പനമാണ്. പി.എസ്.സി റാങ്ക് പട്ടികയില് ഉള്പ്പെടുത്തിയ ഉദ്യോഗാര്ഥികളുടേത് ന്യായമായ സമരമായതിനാല് യു.ഡി.എഫ് പിന്തുണക്കുമെന്നും രമേശ് ചെന്നിത്തല പറഞ്ഞു.
പ്രതിപക്ഷം ഇളക്കിവിട്ട സമരമാണ് റാങ്ക് ഹോള്ഡേഴ്സിേന്റതെന്നായിരുന്നു ഐസകിന്റെ പരാമര്ശം. റാങ്ക് ലിസ്റ്റില് ഉള്പ്പെട്ട എല്ലാവര്ക്കും ജോലി നല്കല് പ്രായോഗികമല്ല. റാങ്ക് ഹോള്ഡേഴ്സ് വസ്തുതകള് മനസിലാക്കി സമരത്തില്നിന്ന് പിന്മാറാന് തയാറാകണമെന്നും ഐസക് ആവശ്യപ്പെട്ടിരുന്നു.