സംസ്ഥാനത്ത് റേഷന്‍ വിതരണം നിലച്ചു
തിരുവനന്തപുരം: ഇ-പോസ് യന്ത്രം തകരാറിലായതോടെ സംസ്ഥാനത്ത് റേഷന്‍ വിതരണം നിലച്ചു. നെറ്റ് വര്‍ക്ക് പ്രശ്നം മൂലമാണ് രാവിലെ ഒമ്ബത് മുതല്‍ റേഷന്‍ വിതരണം നിലച്ചത്. ഇ-പോസ് യന്ത്രം പ്രവര്‍ത്തിച്ച റേഷന്‍ കടകളില്‍ കാര്‍ഡ് ഉടമകളുടെ വിരലടയാളം പതിക്കാനും ഒ.ടി.പി വരാനും ഏറെനേരം കാത്തിരിക്കേണ്ടി വന്നു.
മാസാവസാനമായതിനാല്‍ റേഷന്‍ കടകളില്‍ ഭക്ഷ്യകിറ്റ് അടക്കം സാധനങ്ങള്‍ വാങ്ങുന്നതിന് വലിയ തിരക്കാണ് അനുഭവപ്പെടുന്നത്. തകരാര്‍ ഉടന്‍ പരിഹരിക്കുമെന്ന് സിവില്‍ സപ്ലൈസ് വകുപ്പ് അറിയിച്ചു.
ഇ-പോസ് യന്ത്രം തകരാറിലാകുന്നത് പരിഹാരമായി സെര്‍വര്‍ മാറ്റുന്നത് അടക്കമുള്ള നടപടികള്‍ സ്വീകരിക്കണമെന്ന് റേഷന്‍ വ്യാപാരികള്‍ നിരന്തരം ആവശ്യപ്പെട്ടിരുന്നു.