മിനിമം താങ്ങുവില സംരക്ഷിക്കാനായില്ലെങ്കില് രാഷ്ട്രീയം ഉപേക്ഷിക്കും: ഹരിയാന മുഖ്യമന്ത്രി
ന്യൂഡല്ഹി: കര്ഷകര്ക്ക് മിനിമം താങ്ങുവില സംരക്ഷിക്കാനായില്ലെങ്കില് താന് രാഷ്ട്രീയം ഉപേക്ഷിക്കുമെന്ന് ഹരിയാന മുഖ്യമന്ത്രി മനോഹര് ലാല് ഖട്ടര്. ഹരിയാനയിലെ അഞ്ച് മുനിസിപ്പല് കോര്പ്പറേഷനുകളിലേക്ക് നടന്ന തെരഞ്ഞെടുപ്പില് മൂന്നിടത്ത് ഭരണകക്ഷി പരാജയം രുചിച്ചതിന്റെ പിറ്റേന്നാണ് മുഖ്യമന്ത്രിയുടെ പ്രസ്താവന.
ഹരിയാനയില് കാര്ഷിക വിളകള്ക്ക് മിനിമം താങ്ങുവില ഉറപ്പാക്കാന് സര്ക്കാര് ബാധ്യസ്ഥരാണെന്നും അദ്ദേഹം പറഞ്ഞു. മിനിമം താങ്ങുവില ഇല്ലാതാക്കാന് ശ്രമിച്ചാല് മനോഹര് ലാല് രാഷ്ട്രീയം ഉപേക്ഷിക്കും- അദ്ദേഹം കൂട്ടിച്ചേര്ത്തു.