കാര്‍ഷിക നിയമം: ബി.ജെ.പിയില്‍ അഭിപ്രായ വ്യത്യാസമുണ്ടെന്ന് യെച്ചൂരി
ന്യൂഡല്‍ഹി: വിവാദ കാര്‍ഷിക നിയമങ്ങളെ എതിര്‍ത്ത് കേരള നിയമസഭയില്‍ പാസാക്കിയ പ്രമേയത്തെ സി.പി.എം ജനറല്‍ സെക്രട്ടറി സീതാറാം യെച്ചൂരി അഭിനന്ദിച്ചു. പ്രമേയത്തെ കേരളത്തിലെ ഏക ബി.ജെ.പി എം.എല്‍.എയായ ഒ. രാജഗോപാല്‍ പിന്തുണച്ചതില്‍ ബി.ജെ.പി ദേശീയ നേതൃത്വം നിലപാട് വ്യക്തമാക്കണം.
കാര്‍ഷിക നിയമവുമായി ബന്ധപ്പെട്ട് ബി.ജെ.പിക്കുള്ളില്‍തന്നെ ശക്തമായ അഭിപ്രായ വ്യത്യാസങ്ങള്‍ ഉണ്ടെന്നതിന് തെളിവാണ് രാജഗോപാലിെന്‍റ പിന്തുണയെന്നും ഡല്‍ഹിയില്‍ മാധ്യമങ്ങളോട് യെച്ചൂരി പ്രതികരിച്ചു.