മൂന്ന് ബ്രാഞ്ച് സെക്രട്ടറിമാരെ സി.പി.എം പുറത്താക്കി
ആലപ്പുഴ: മുനിസിപ്പാലിറ്റിയില് അധ്യക്ഷപദവിയെ ചൊല്ലി പ്രതിഷേധിച്ചവര്ക്കെതിരെ സി.പി.എം നടപടി. പരസ്യ പ്രതിഷേധത്തിന് നേതൃത്വം നല്കിയ മൂന്ന് ബ്രാഞ്ച് സെക്രട്ടറിമാരെ പാര്ട്ടിയില് നിന്ന് പുറത്താക്കി.
നെഹ്റു ട്രോഫി വാര്ഡിലെ ബ്രാഞ്ച് സെക്രട്ടറിമാരായ പി പ്രദീപ്, സുകേഷ്, പി.പി മനോജ് എന്നിവരെ പാര്ട്ടിയുടെ പ്രാഥമിക അംഗത്വത്തില് നിന്ന് പുറത്താക്കി. അച്ചടക്കം ലംഘിച്ച് പാര്ട്ടിക്ക് അപകീര്ത്തികരമായ രീതിയില് പ്രകടനം സംഘടിപ്പിച്ചെന്നാരോപിച്ചാണ് നടപടി.
പാര്ട്ടിയില് സീനിയറായ നെഹ്റു ട്രോഫി വാര്ഡ് കൗണ്സിലര് കെ.കെ ജയമ്മയെ തഴഞ്ഞ് ഇരവുകാട് കൗണ്സിലര് സൗമ്യ രാജുവിനെ നഗരസഭാ അധ്യക്ഷയാക്കിയതിലായിരുന്നു ഒരു വിഭാഗം പ്രവർത്തകരുടെ പ്രതിഷേധം. ഇതേ തുടർന്ന് നൂറോളം പ്രവര്ത്തകര് നഗരത്തില് പരസ്യപ്രകടനം നടത്തുകയായിരുന്നു.