രാഹുല്‍ഗാന്ധി കള്ളംപറഞ്ഞ് കര്‍ഷകരെ തെറ്റിധരിപ്പിക്കുന്നു: സ്മൃതി ഇറാനി
ന്യൂഡല്‍ഹി: കാര്‍ഷിക നിയമത്തില്‍ രാഹുല്‍ ഗാന്ധി കള്ളം പറയുകയും തെറ്റിദ്ധരിപ്പിക്കുകയും ചെയ്യുകയാണെന്ന് കേന്ദ്രമന്ത്രി സ്മൃതി ഇറാനി.
അമേഠിയില്‍ കര്‍ഷകരെ അഭിസംബോധന ചെയ്ത് സംസാരിക്കുകയായിരുന്നു സ്മൃതി ഇറാനി. രാഹുല്‍ ഗാന്ധി കള്ളം പറഞ്ഞ് കര്‍ഷകരെ തെറ്റിദ്ധരിപ്പിക്കുകയാണ്.
കര്‍ഷകരുടെ കാര്യത്തില്‍ മുതലക്കണ്ണീരാണ് രാഹുല്‍ ഗാന്ധിയുടേത്. രാഹുല്‍ ഗാന്ധിയുടെ സഹോദരി ഭര്‍ത്താവ് ആണ് രാജ്യത്ത് എറ്റവും അധികം കര്‍ഷകരുടെ ഭൂമി കൈയേറിയവരില്‍ ഒരാളെന്നും സ്മൃതി ഇറാനി ആരോപിച്ചു.
അതേസമയം, കേന്ദ്രത്തിന്റെ കര്‍ഷക നിയമം പിന്‍വലിക്കണമെന്നാവശ്യപ്പെട്ട് ഡല്‍ഹിയിലെ വിവിധ അതിര്‍ത്തികളില്‍ കര്‍ഷകര്‍ പ്രതിഷേധം ശക്തമാക്കുകയാണ്.
കര്‍ഷകര്‍ക്ക് ഐക്യദാര്‍ഢ്യം പ്രഖ്യാപിച്ച്‌ രാഹുല്‍ ഗാന്ധി രംഗത്തു വന്നിരുന്നു. ഈ സാഹചര്യത്തിലാണ് സ്മൃതി ഇറാനിയുടെ പ്രതികരണം.