ആര്.ശ്രീലേഖ ഐ.പി.എസ്. അസോ. പ്രസിഡന്റ് ; ഹര്ഷിത അട്ടല്ലൂരി സെക്രട്ടറി
തിരുവനന്തപുരം: ഐ.പി.എസ്.അസോസിയേഷന് പ്രസിഡന്റായി ഫയര്ഫോഴ്സ് മേധാവി ആര്.ശ്രീലേഖയെ തെരഞ്ഞെടുത്തു. സെക്രട്ടറിയായി ദക്ഷിണ മേഖലാ ഐജി ഹര്ഷിത അട്ടല്ലൂരിയെ കഴിഞ്ഞ ദിവസം തെരഞ്ഞെടുത്തിരുന്നു. ഐ.പി.എസ്. അസോസിയേഷന് ചരിത്രത്തിലെ ആദ്യത്തെ വനിതാ സെക്രട്ടറിയാണ് ഹര്ഷിത.
ജോയിന്റ് സെക്രട്ടറിയായി എസ്പി ഹരിശങ്കറിനെ തെരഞ്ഞെടുത്തു. എക്സിക്യുട്ടീവ് കമ്മിറ്റി അംഗങ്ങള്: കെ. പത്മകുമാര് (എഡിജിപി), പി.വിജയന് (ഐജി), പി.പ്രകാശ് (ഡിഐജി), രാഹുല് നായര് (എസ്പി) , ആദിത്യ (എസ്പി) , പദം സിംഗ് (എഎസ്പി). ടോമിന് തച്ചങ്കരിയോ ഋഷിരാജ് സിംഗോ പ്രസിഡന്റാകുമെന്നായിരുന്നു ധാരണ. ഡിസംബര് വരെ കാലാവധിയുള്ള സീനിയറായ ഡിജിപി ശ്രീലേഖയെ പ്രസിഡന്റാക്കാന് തീരുമാനിക്കുകയായിരുന്നു.