ദലിത് പെണ്കുട്ടിയെ അധിക്ഷേപിച്ച് നടത്തുന്ന പ്രസ്താവനകള്ക്കെതിരെ:പ്രിയങ്ക ഗാന്ധി
ന്യൂഡല്ഹി: സവര്ണര് കൂട്ടബലാത്സംഗം ചെയ്തു കൊലപ്പെടുത്തിയ ദലിത് പെണ്കുട്ടിയെ അധിക്ഷേപിച്ച് ബി.ജെ.പി നേതാക്കള് നടത്തുന്ന പ്രസ്താവനകള്ക്കെതിരെ കോണ്ഗ്രസ് നേതാവ് പ്രിയങ്ക ഗാന്ധി. നാണമില്ലാത്ത ബി.ജെ.പി എന്ന ഹാഷ്ടാഗില് ഇരക്ക് വേണ്ടത് നീതിയാണെന്നും അധിക്ഷേപമല്ലെന്നും അവര് ട്വീറ്റു ചെയ്തു.
ഹാഥറസിലുണ്ടായത് നീചമായ കുറ്റകൃത്യമാണ്. അവളുടെ മൃതദേഹം കുടുംബത്തെ മാറ്റിനിര്ത്തി ദഹിപ്പിച്ചു. പെണ്കുട്ടിയുടെ സ്വഭാവം മോശമാണെന്നു വരുത്താനും അതിക്രമത്തിെന്റ ഉത്തരവാദിത്തം അവര്ക്കാണെന്നു വരുത്താനുമായി കഥമെനയുന്ന നടപടി അരോചകവും പിന്തിരിപ്പനുമാണെന്നും പ്രിയങ്ക വിവിധ ട്വീറ്റുകളിലായി കുറിച്ചു.