കാണാതായ അഞ്ച് യുവാക്കളെ ചൈന ഇന്ത്യക്ക് കൈമാറി
ന്യൂഡല്‍ഹി: അരുണാചല്‍ പ്രദേശില്‍നിന്ന് കാണാതായ അഞ്ച് ഇന്ത്യന്‍ പൗരന്‍മാരെ ചൈന ഇന്ത്യക്ക് കൈമാറി. സെപ്റ്റംബര്‍ ഒന്നുമുതലാണ് യുവാക്കെള കാണാതായത്. യുവാക്കെള ചൈനീസ് പീപ്പിള്‍സ് ലിബറേഷന്‍ ആര്‍മി (പി.എല്‍.എ) ഇന്ത്യക്ക് കൈമാറിയതായി ഡിഫന്‍സ് ദേസ്പുര്‍ പി.ആര്‍.ഒ സ്ഥിരീകരിച്ചു. കിബിത്തു അതിര്‍ത്തിക്ക് സമീപം വാച്ചയില്‍ വെച്ചായിരുന്നു കൈമാറ്റം.
അരുണാചല്‍ പ്രദേശില്‍നിന്ന് യുവാക്കള്‍ അതിര്‍ത്തി കടന്ന് എത്തിയതായി പി.എല്‍.എ അറിയിച്ചതായും ഏതു സമയവും കൈമാറിയേക്കാമെന്നും കേന്ദ്രമന്ത്രി കിരണ്‍ റിജിജു വെള്ളിയാഴ്ച ട്വീറ്റ് ചെയ്തിരുന്നു.