മാധ്യമങ്ങള് അനിവാര്യം; പൊതുനിയന്ത്രണം സാധ്യമല്ലെന്ന് ഹൈകോടതി
കൊച്ചി: മാധ്യമങ്ങളെ നിയന്ത്രിക്കാന് മാര്ഗരേഖ ഉണ്ടാക്കണമെന്ന ഹരജി ഹൈകോടതി തള്ളി.
ചേര്ത്തല സ്വദേശിയായ അഭിഭാഷകന് നല്കിയ പൊതുതാല്പര്യഹരജിയാണ് മാധ്യമങ്ങള്ക്ക് പൊതുനിയന്ത്രണം ഏര്പ്പെടുത്താനോ മാര്ഗരേഖ കൊണ്ടുവരാനോ സാധ്യമല്ലെന്ന സുപ്രീംകോടതി വിധിയുടെ അടിസ്ഥാനത്തില് ചീഫ് ജസ്റ്റിസ് എസ്. മണികുമാര്, ജസ്റ്റിസ് ഷാജി പി. ചാലി എന്നിവരടങ്ങുന്ന ഡിവിഷന് ബെഞ്ച് തള്ളിയത്.
മാധ്യമങ്ങള് അഭിപ്രായസ്വാതന്ത്ര്യം ദുരുപയോഗിച്ച് ജുഡീഷ്യറി, സര്ക്കാര്, പൊലീസ്, രാഷ്ട്രീയനേതാക്കള് തുടങ്ങിയവരുടെ പ്രതിച്ഛായ തകര്ക്കുകയാണെന്നായിരുന്നു ആരോപണം.
ആരോപണങ്ങളുടെ അടിസ്ഥാനത്തില് മാധ്യമങ്ങള്ക്ക് മാര്ഗരേഖ നിശ്ചയിക്കാന് കഴിയില്ലെന്ന് കോടതി പറഞ്ഞു. ഓരോ കേസിന്റയും സാഹചര്യം പരിഗണിച്ച് മാത്രമേ മാധ്യമനിയന്ത്രണം ഏര്പ്പെടുത്താനാകൂവന്നാണ് സുപ്രീംകോടതി വ്യക്തമാക്കിയത്.
ജനാധിപത്യത്തിെന്റ ഫലപ്രദമായ പ്രവര്ത്തനത്തിന് മാധ്യമങ്ങള് അനിവാര്യമായതിനാലാണ് നാലാം തൂണ് എന്ന് വിശേഷിപ്പിക്കുന്നത്. മാധ്യമങ്ങെള തടഞ്ഞാല് പൊതുപ്രവര്ത്തനങ്ങള് പൊതുജനങ്ങള്ക്ക് അറിയാനും മനസ്സിലാക്കാനും കഴിയാതെവരും.
ഇത് ജനാധിപത്യത്തെയും ഭരണത്തെയും അപകടത്തിലാക്കും. വസ്തുതകള് മാത്രം പരിശോധിച്ചാണ് ജഡ്ജിമാര് കേസുകള് തീരുമാനിക്കുന്നത്. വസ്തുതകളുടെ ഭാഗമല്ലാത്തിടത്തോളം മാധ്യമ റിപ്പോര്ട്ടുകള് പരിഗണിക്കാറില്ല.