വിമാനത്താവളം; ഒത്തുകളി മുഖ്യമന്ത്രിയുടെ കള്ളക്കളിയെന്ന് ബെന്നി ബഹ്നാന്
കൊച്ചി: തിരുവനന്തപുരം വിമാനത്താവളം അദാനി ഗ്രൂപ്പിനു കൈമാറാന് ഒത്തുകളി നടത്തിയ ശേഷം മുഖ്യമന്ത്രി നാടകം കളിക്കുകയാണെന്ന് യു.ഡി.എഫ് കണ്വീനര് ബെന്നി ബഹനാന് എം.പി. ഗൗതം അദാനിയുടെ മരുമകളായ പരീധി അദാനി പാര്ട്ണറായ മുംബൈ ആസ്ഥാനമായ നിയമസ്ഥാപനത്തോടാണ് ലേല നടപടികള്ക്കായി കേരളം വിദഗ്ധ ഉപദേശം തേടിയത്.
ലേലത്തുക നിര്ണയിക്കുന്നതിലും ലേലത്തില് സംസ്ഥാന സര്ക്കാര് പരാജയപ്പെട്ടതിലും നിര്ണായകമായത് ഈ സ്ഥാപനത്തിെന്റ ഇടപെടലാണ്. ലേലത്തുക നിശ്ചയിക്കുന്നതില് സര്ക്കാര് ഉപദേശം ചോദിച്ച സ്ഥാപന ഉടമയുടെ കുടുംബത്തിനാണ് വിമാനത്താവള കരാര് ലഭിച്ചതെന്നത് അസാധാരണ നടപടിയാണ്.
അദാനി ഗ്രൂപ്പുമായി ഒത്തുകളി നടത്തിയ മുഖ്യമന്ത്രി കേസ് നടത്തുമെന്ന് പറയുന്നതും അദാനി ഗ്രൂപ്പിനെതിരെ പ്രസ്താവന ഇറക്കുന്നതും ജനങ്ങളെ കബളിപ്പിക്കാനാണെന്നും ബെന്നി ബഹനാന് ആരോപിച്ചു.