പെട്ടിമുടി: മൂന്ന് മൃതദേഹം കൂടി കിട്ടി
മൂന്നാര്: ഉരുള്പൊട്ടല് ദുരന്തമുണ്ടായ പെട്ടിമുടിയില് കാണാതായവര്ക്കായി തിരച്ചില് തുടരുന്നു. വ്യാഴാഴ്ച നടന്ന തിരച്ചിലില് മൂന്ന് മൃതദേഹം കൂടി കണ്ടെടുത്തു. കൗശിക (15) ശിവരഞ്ജിനി (15), മുത്തുലക്ഷ്മി (26) എന്നിവരുടെ മൃതദേഹങ്ങളാണിത്. ഇതില് മുത്തു ലക്ഷ്മി ഗര്ഭിണിയായിരുന്നു.
ഇതോടെ ഉരുള്പൊട്ടല് ദുരന്തത്തില് മരിച്ചവരുടെ എണ്ണം 65 ആയി. ദുരന്തത്തില് അകപ്പെട്ട അഞ്ചു പേരെ കൂടിയാണ് ഇനി കണ്ടുകിട്ടാനുള്ളത്. ദുരന്തഭൂമിയില്നിന്ന് കിലോമീറ്ററുകളോളം ദൂരെ ഭൂതക്കുഴി ഭാഗത്തുനിന്നാണ് രണ്ട് മൃതദേഹങ്ങള് കണ്ടെടുത്തത്. തുടര്ച്ചയായ പതിനാലാം ദിവസമാണ് പെട്ടിമുടിയില് ദുരന്തത്തില് അകപ്പെട്ടവര്ക്കായി തിരച്ചില് നടത്തിയത്.