കരിപ്പൂര്‍ വിമാനാപകടം: അന്വേഷണത്തിന് അഞ്ചംഗ സമിതിയെ നിയോഗിച്ചു
കോഴിക്കോട്: കരിപ്പൂര്‍ എയര്‍ ഇന്ത്യ വിമാനാപകടത്തില്‍ അന്വേഷണത്തിനായി അഞ്ചംഗ സമിതിയെ നിയോഗിച്ച്‌ എയര്‍ക്രാഫ്റ്റ് ആക്സിഡന്‍റ് ഇന്‍വെസ്റ്റിഗേഷന്‍ ബ്യൂറോ. കാപ്റ്റന്‍ എസ്.എസ്. ചാഹര്‍ ആണ് അന്വേഷണ സമിതിക്ക് നേതൃത്വം നല്‍കുക. അടുത്ത അഞ്ച് മാസത്തിനുള്ളില്‍ അന്വേഷണം പൂര്‍ത്തിയാക്കണമെന്നും ഇതുമായി ബന്ധപ്പെട്ട ഉത്തരവില്‍ പറയുന്നു.
അപകടത്തിന് കാരണമായിരിക്കാവുന്ന കാര്യങ്ങള്‍ കണ്ടെത്തുക, അപകടത്തിലേക്ക് നയിച്ചിരിക്കാവുന്ന കാര്യങ്ങള്‍, ഇത്തരം അപകടങ്ങള്‍ ഭാവിയില്‍ സംഭവിക്കാതിരിക്കാനുള്ള നിര്‍ദ്ദേശങ്ങള്‍ നല്‍കുക എന്നിവയാണ് ചുമതലകള്‍. അഞ്ചു മാസത്തിനുള്ളില്‍ അന്വേഷണം പൂര്‍ത്തിയാക്കണം. അപകടകാരണം കണ്ടെത്തി ഇത് ഭാവിയില്‍ ഒഴിവാക്കാനുള്ള നിര്‍ദ്ദേശങ്ങള്‍ സമര്‍പ്പിക്കാനുള്ള നിര്‍ദ്ദേശവും സമിതിക്ക് നല്കിയിട്ടുണ്ട്.