തിരുവനന്തപുരത്ത് കടുത്ത നിയന്ത്രണങ്ങള്‍
തിരുവനന്തപുരം: ഉറവിടമറിയാത്ത കോവിഡ് രോഗികൾ കൂടിയതോടെ തിരുവനന്തപുരത്ത് കടുത്ത നിയന്ത്രണങ്ങളേർപ്പെടുത്തി. പാളയം മാർക്കറ്റും സാഫല്യം കോംപ്ലക്സും ഒരാഴ്ചത്തേക്ക് അടച്ചു.ആറ് പ്രദേശങ്ങളെ കൂടി കണ്ടെയ്ന്‍മെന്‍റ് സോണാക്കി. രണ്ടു ദിവസത്തിനകം ആന്‍റിജന്‍ പരിശോധന ആരംഭിക്കും.
ഇന്നലെ മാത്രം തലസ്ഥാനത്ത് 4 പേർക്കാണ് ഉറവിടമറിയാതെ കോവിഡ് ബാധിച്ചത്. ഇതോടെ നെയ്യാറ്റിൻകര മുൻസിപ്പാലിറ്റിയിലെ വഴുതൂർ വാർഡ്, ബാലരാമപുരം പഞ്ചായത്തിലെ തളയൽ, തിരുവനന്തപുരം നഗരസഭയിലെ പൂന്തുറ, വഞ്ചിയൂർ മേഖലയിലെ അത്താണി ലയിൻ, പാളയം മാർക്കറ്റ് ഏരിയ, സാഫല്യം ഷോപ്പിംഗ് കോംപ്ലക്സ്, പാരിസ് ലൈൻ എന്നിവ കണ്ടെയ്ന്‍മെന്‍റ് സോണാക്കി.