കൊല്ലം ജില്ല കോവിഡ് മുക്തമായി
കൊല്ലം: കൊല്ലം ജില്ല കോവിഡ് മുക്തമായി. 2 പേരായിരുന്നു കോവിഡ് ചികിത്സയില് ഉണ്ടായിരുന്നത്, ഇവരുടെ പുതിയ പരിശോധനാ ഫലം നെഗറ്റീവ് ആയതോടെയാണ് കൊല്ലം ജില്ല കോവിഡ് മുക്തമായത്. കൊല്ലത്ത് ആദ്യം രോഗം സ്ഥിരീകരിച്ച പ്രാക്കുളം സ്വദേശിയുടെ ബന്ധുവായ വീട്ടമ്മയാണ് ഇന്ന് കൊവിഡ് നെഗറ്റീവായതില് ഒന്ന്.
44 ദിവസമായി ഇവര് പാരിപ്പള്ളി മെഡിക്കല് കോളജില് ചികിത്സയിലായിരുന്നു. മാര്ച്ച് 31 നാണ് ഇവര്ക്ക് രോഗം സ്ഥിരീകരിച്ചത്. മുംബൈയില് നിന്ന് മടങ്ങിയെത്തിയ ശേഷം കൊവിഡ് സ്ഥിരീകരിച്ച ഒരു യുവതിയുടെയും പരിശോധന ഫലം നെഗറ്റീവായി. ഏപ്രില് രണ്ടിനായിരുന്നു ഇവര്ക്ക് രോഗം സ്ഥിരീകരിച്ചത്.