സംസ്ഥാനത്ത് ഏഴു പേർക്ക് കൂടി കോവിഡ് സ്ഥിരീകരിച്ചു
തിരുവനന്തപുരം: സംസ്ഥാനത്ത് ഞായറാഴ്ച 7 പേര്ക്ക് കോവിഡ് സ്ഥിരീകരിച്ചു. വയനാട് ജില്ലയില് നിന്നുള്ള മൂന്നു പേര്ക്കും തൃശൂര് ജില്ലയില് നിന്നുള്ള രണ്ടു പേര്ക്കും എറണാകുളം, മലപ്പുറം ജില്ലകളില് നിന്നുള്ള ഓരോരുത്തര്ക്കുമാണ് രോഗം സ്ഥിരീകരിച്ചത്.
രോഗം സ്ഥിരീകരിച്ച് ചികിത്സയിലായിരുന്ന നാല് പേരുടെ പരിശോധനഫലം നെഗറ്റീവായി. കണ്ണൂര് ജില്ലയില് നിന്നുള്ള രണ്ടു പേരുടെയും പാലക്കാട്, കാസര്കോട് ജില്ലകളില് നിന്നുള്ള ഓരോരുത്തരുടെയും പരിശോധനാ ഫലമാണ് നെഗറ്റീവ് ആയത്.
489 പേരാണ് ഇതുവരെ കോവിഡില് നിന്നു മുക്തി നേടിയത്. 20 പേരാണ് വിവിധ ആശുപത്രികളില് ചികിത്സയിലുള്ളത്. വിവിധ ജില്ലകളിലായി 26,712 പേര് നിരീക്ഷണത്തിലാണ്. ഇവരില് 26,350 പേര് വീടുകളിലും 362 പേര് ആശുപത്രികളിലും നിരീക്ഷണത്തിലാണ്. 135 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. ഇതുവരെ 37,464 വ്യക്തികളുടെ (ഓഗ്മെന്റഡ് സാംപിള് ഉള്പ്പെടെ) സാംപിൾ പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 36,630 സാംപിളുകളുടെ പരിശോധനാഫലം നെഗറ്റിവ്.