ഉത്തര്പ്രദേശിലേക്കുള്ള അതിഥി തൊഴിലാളി ട്രെയിന് പുറപ്പെട്ടു; കുട്ടികളടക്കം 1151 യാത്രക്കാര്
തൃശൂര്: ഇതരസംസ്ഥാന തൊഴിലാളികളുമായി തൃശൂരില് നിന്ന് രണ്ടാമത്തെ ട്രെയിനും പുറപ്പെട്ടു. ഉത്തര്പ്രദേശില് നിന്നുളള തൊഴിലാളികള്ക്ക് തിരിച്ച് പോകുന്നതിന് ഏര്പ്പെടുത്തിയ പ്രത്യേക ട്രെയിനില് മുതിര്ന്നവരും കുട്ടികളുമടക്കം 1151 പേരാണുള്ളത്.
വിവിധ ലേബര് ക്യാമ്ബുകളില് നിന്നായി കെഎസ്ആര്ടിസി ബസുകളിലാണ് തൊഴിലാളികളെ റെയില്വേ സ്റ്റേഷനില് എത്തിച്ചത്. ക്യാന്പുകളില്നിന്ന് ആരോഗ്യപരിശോധനയ്ക്കുശേഷാണ് തൊഴിലാളികളെ കഐസ്ആര്ടിസി ബസില് റെയില്വേ സ്റ്റേഷനിലെത്തിച്ചത്. തദ്ദേശഭരണവകുപ്പ്, ആരോഗ്യ വകുപ്പ് ജീവനക്കാരുടെ നേതൃത്വത്തിലായിരുന്നു കണക്കെടുപ്പും പരിശോധനയും. മന്ത്രി എസി മൊയ്തീന്, ചീഫ് വിപ്പ് കെ രാജന് , കളക്ടര് എസ് ഷാനവാസ് തുടങ്ങയിവര് തൊഴിലാളികളെ യാത്രയാക്കാനായി റെയില്വേ സ്റ്റേഷനിലെത്തിയിരുന്നു.