ഇന്ത്യയില്‍ 216 ജില്ലകള്‍ കൊവിഡ് മുക്തമായെന്ന് കേന്ദ്ര ആരോഗ്യമന്ത്രാലയം
ന്യൂഡല്‍ഹി: ഇന്ത്യയില്‍ കൊവിഡ് രോഗത്തില്‍ നിന്ന് മുക്തരാകുന്നവരുടെ നിരക്ക് ഉയരുകയാണെന്ന് കേന്ദ്ര ആരോഗ്യ മന്ത്രാലയം. 29.36 ശതമാനമാണ് നിലവിലെ രോഗമുക്തി നിരക്ക്. 216 ജില്ലകള്‍ ഇതിനോടകം കൊവിഡ് മുക്തമായെന്നും ആരോഗ്യമന്ത്രാലയം വാര്‍ത്താ സമ്മേളനത്തില്‍ അറിയിച്ചു.
ജൂണ്‍ മാസത്തോടെ രാജ്യത്ത് റെസ്റ്റൊറെന്റുകള്‍ തുറക്കുമോ എന്ന് പറയാനാവില്ല. ഇതരസംസ്ഥാനങ്ങളില്‍ നിന്ന് എത്തുന്നവര്‍ ക്വാറന്റൈന്‍ നിര്‍ദ്ദേശങ്ങള്‍ കര്‍ശനമായി പാലിക്കണം. 5231 റെയില്‍വേ കോച്ചുകള്‍ രോഗികള്‍ക്കായി തയ്യാറാക്കിയിട്ടുണ്ട്. 215 സ്റ്റേഷനുകളിലായി ഐസൊലേഷന്‍ കോച്ചുകള്‍ വിന്യസിപ്പിച്ചിരിക്കുകയാണ്. കരുതല്‍ നിരീക്ഷണം അനിവാര്യമാണ്. ഇതുവരെ 2.5 ലക്ഷം ഇതര സംസ്ഥാന തൊഴിലാളികളെ ട്രെയിന്‍ മാര്‍ഗം ജന്മ നാട്ടിലേക്ക് എത്തിച്ചു. ഇതിനായി 222 ട്രെയിന്‍ സര്‍വീസ് നടത്തിയെന്നും ആരോഗ്യമന്ത്രാലയവക്താക്കള്‍ അറിയിച്ചു.