മാസ്ക് നിര്ബന്ധം; നിര്ദ്ദേശം ലംഘിച്ചാല് 200 രൂപ
തിരുവനന്തപുരം : സംസ്ഥാനത്ത് വ്യാഴാഴ്ച മുതല് പൊതുസ്ഥലങ്ങളിലും ജോലിസ്ഥലങ്ങളിലും മാസ്ക് നിര്ബന്ധമാക്കി. നിര്ദ്ദേശം ലംഘിക്കുന്നവര്ക്കെതിരെ ഇന്ത്യന് ശിക്ഷാനിയമത്തിലെ വകുപ്പ് 290 പ്രകാരം നടപടി സ്വീകരിച്ച് ബന്ധപ്പെട്ട കോടതിയില് പെറ്റികേസ് ചാര്ജ്ജ് ചെയ്യും. 200 രൂപയാണ് പിഴ. കുറ്റം ആവര്ത്തിക്കുകയാണെങ്കില് 5000 രൂപ പിഴ ഈടാക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. വീടുകളില് നിര്മ്മിച്ച തുണികൊണ്ടുളള മാസ്ക്, തോര്ത്ത്, കര്ച്ചീഫ് എന്നിവയും ഉപയോഗിക്കാവുന്നതാണ്.