സ്കൂള് വിദ്യാര്ത്ഥിനിയെ തട്ടിക്കൊണ്ട് പോയി പീഡിപ്പിച്ച കേസില് രണ്ടു പേര് അറസ്റ്റില്
തിരുവനന്തപുരം: തിരുവനന്തപുരത്ത് സ്കൂള് വിദ്യാര്ത്ഥിനിയെ തട്ടിക്കൊണ്ട് പോയി പീഡിപ്പിച്ച കേസില് രണ്ടു പേര് അറസ്റ്റില്. വിതുരയിലാണ് സംഭവം. കേസില് നിഖില് അശോക്, ശ്രീജിത്ത് എന്നിവരെയാണ് പൊലീസ് അറസ്റ്റ് ചെയ്തത്. പ്രതികളിലൊരാളായ യുവാവ് പെണ്കുട്ടിയോട് പ്രണയാഭ്യര്ത്ഥന നടത്തിയിരുന്നു. എന്നാല് പെണ്കുട്ടി ഇത് നിരസിക്കുകയായിരുന്നു. ഇതിലുള്ള വൈരാഗ്യംമൂലം പ്രതികള് പ്രായപൂര്ത്തിയാകാത്ത കുട്ടിയെ ചേര്ന്ന് ബലംപ്രയോഗിച്ച് ആളൊഴിഞ്ഞ വീട്ടില് കൊണ്ടുപോയി പീഡിപ്പിച്ചുവെന്നാണ് പരാതി. വിതുര സിഐ ശ്രീജിത്തിന്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്.