കേന്ദ്രസര്ക്കാര് ജീവനക്കാരുടെയും പെന്ഷന്കാരുടെയും ക്ഷാമബത്ത വര്ധന മരവിപ്പിച്ചു
ന്യൂഡല്ഹി: ചെലവ് ചുരുക്കലിന്റെ ഭാഗമായി കേന്ദ്രസര്ക്കാര് ജീവനക്കാരുടെയും പെന്ഷന്കാരുടെയും ക്ഷാമബത്ത (ഡി.എ) വര്ധന ഒന്നര വര്ഷത്തേക്ക് മരവിപ്പിച്ചു. കഴിഞ്ഞ ജനുവരി മുതല് ക്ഷാമബത്ത നാലു ശതമാനം വര്ധിപ്പിച്ച് 21 ശതമാനമാക്കാന് കേന്ദ്രമന്ത്രിസഭ തീരുമാനിച്ചതാണ്. എന്നാല് 2021 ജൂലൈ ഒന്നു വരെ 17 ശതമാനം തന്നെയാണ് തുടര്ന്നും ലഭിക്കുക.
നാണ്യപ്പെരുപ്പം വഴിയുള്ള അധികചെലവ് പരിഹരിക്കുന്നതിനാണ് ശമ്ബളത്തിനൊപ്പം ഡി.എ നല്കുന്നത്. ശമ്ബള കമീഷന് ശിപാര്ശ പ്രകാരം ജനുവരി, ജൂലൈ മാസങ്ങളില് ക്ഷാമബത്ത പുതുക്കണം. ഇതനുസരിച്ചാണ് 21 ശതമാനമാക്കാന് കഴിഞ്ഞ മാസം മന്ത്രിസഭ തീരുമാനിച്ചത്.
ജനുവരി മുതല് മുന്കാല പ്രാബല്യം നല്കി. ഇതു മരവിപ്പിക്കുന്നതോടെ 2020 ജനുവരി, ജൂൈല, 2021 ജനുവരി മാസങ്ങളിലെ ഡി.എ വര്ധനയാണ് മുടങ്ങുന്നത്.48.34 ലക്ഷം കേന്ദ്രസര്ക്കാര് ജീവനക്കാരെയും 65.26 ലക്ഷം പെന്ഷന്കാരെയും ബാധിക്കുന്നതാണ് തീരുമാനം.