മാധ്യമപ്രവര്‍ത്തകനേയും ഭാര്യയേയും ആക്രമിച്ച സംഭവം; രണ്ട് പേര്‍ അറസ്റ്റില്‍
മുംബൈ: മാധ്യമ പ്രവര്‍ത്തകന്‍ അര്‍ണാബ് ഗോസ്വാമിക്കും ഭാര്യക്കും നേരെ മുംബൈയില്‍ നടന്ന ആക്രമണസംഭവത്തില്‍ രണ്ട് പേര്‍ അറസ്റ്റില്‍.
ഏപ്രില്‍ 22ന് രാത്രി 10 മണിക്ക് നടന്ന ചാനല്‍ ചര്‍ച്ചകള്‍ക്ക് ശേഷം അര്‍ദ്ധരാത്രി 12.30ന് വീട്ടിലേക്ക് മടങ്ങുമ്‌ബോഴാണ് താനും ഭാര്യയും സഞ്ചരിച്ച കാറിന് നേരെ ആക്രമണം നടന്നതെന്നാണ് അര്‍ണാബിന്റെ പരാതി.
ഈ സമയത്ത് മോട്ടോര്‍ ബൈക്ക് ഓടിച്ച രണ്ട് പേര്‍ കാറിനെ ആക്രമിച്ചു.അക്രമികള്‍ അര്‍ണാബ് ഗോസ്വാമിയുടെ കാറിന് മുന്നില്‍ ബൈക്ക് ഇടിച്ചു നിര്‍ത്തിയെന്നാണ് അദ്ദേഹം ജോലി നോക്കുന്ന ടി.വി. ചാനല്‍ റിപ്പോര്‍ട്ട് ചെയ്യുന്നത്. അക്രമികള്‍ കാറിന്റെ ചില്ലുകള്‍ തകര്‍ക്കാന്‍ ശ്രമിക്കുകയും കാറിനു നേരെ ആക്രമണം നടത്തുകയും ചെയ്തു.തുടര്‍ന്ന് കാറിന് മുകളില്‍ കരി ഓയില്‍ ഒഴിച്ചു രക്ഷപ്പെടാന്‍ ശ്രമിച്ചുവെന്നുമാണ് അര്‍ണാബ് പറയുന്നത്.