സ്പ്രിന്ക്ലര്: മടിയില് കനമുള്ളവനേ വഴിയില് ഭയക്കേണ്ടതുള്ളൂവെന്ന് മുഖ്യമന്ത്രി
തിരുവനന്തപുരം: സ്പ്രിന്ക്ലര് വിഷയത്തില് വിശദീകരണവുമായി മുഖ്യമന്ത്രി പിണറായി വിജയന്. ആരോപണങ്ങളില് ആശങ്കയില്ല. മടിയില് കനമുള്ളവനേ വഴിയില് ഭയക്കേണ്ടതുള്ളൂ. ആരോപണമുന്നയിച്ചവര് തന്നെ തെളിവ് കൊണ്ടുവരട്ടെെയന്നും മാധ്യമപ്രവര്ത്തകരുടെ ചോദ്യങ്ങള്ക്ക് മറുപടിയായി അദ്ദേഹം പറഞ്ഞു.
കോടതിക്ക് മുന്നിലൊരു കേസെത്തിയപ്പോള് സ്വാഭാവികമായും ഹൈകോടതി അതില് വിശദീകരണം തേടി. ഒരു കേസിന്െറ വിശദാംശങ്ങള് നോക്കി മാത്രമേ ഹൈകോടതി തീരുമാനമെടുക്കൂ. അതിന്െറ ഭാഗമായി നിരവധി ചോദ്യങ്ങള് ചോദിക്കും. ആ ചോദ്യങ്ങളാണ് കോടതിയില് ഇന്നലെ ഉയര്ന്നത്. ഇത് വിവരശേഖരണത്തിന്റ ഭാഗം കൂടിയാണ്. അത്തരം ചോദ്യങ്ങളിലൂടെ എന്താണ് വസ്തുതയെന്ന് മനസിലാക്കാനാണ് കോടതി ശ്രമിച്ചത്. അതില് യാതൊരു അപാകതയുമില്ലെന്നും മുഖ്യമന്ത്രി പറഞ്ഞു.