സ്പ്രിംങ്ക്ലര്‍ : മുഖ്യമന്ത്രി പിണറായി വിജയനെതിരേ ആരോപണവുമായി പി.ടി. തോമസ് എംഎല്‍എ
തിരുവനന്തപുരം: സംസ്ഥാനത്ത് സ്പ്രിംങ്ക്ലര്‍ വിവാദം കത്തിക്കയറുന്നതിനിടെ മുഖ്യമന്ത്രി പിണറായി വിജയനെതിരേ പുതിയ ആരോപണവുമായി പി.ടി. തോമസ് എംഎല്‍എ. മുഖ്യമന്ത്രിയുടെ മകള്‍ ഡയറക്ടറായുള്ള എക്സാലോജിക് എന്ന ഐടി കമ്ബനിക്ക് സ്പ്രിംഗ്ളര്‍ ഇടപാടുമായി ബന്ധമുണ്ടോയെന്ന് പരിശോധിക്കണമെന്ന ആവശ്യവുമായാണ് പി.ടി തോമസ് രംഗത്തെത്തിയിരിക്കുന്നത്.വിവാദം ഉണ്ടായശേഷം എക്സാലോജിക്കിന്‍റെ വെബ്സൈറ്റ് സസ്പെന്‍ഡ് ചെയ്ത നിലയിലാണ്. സ്പ്രിംഗ്ളര്‍ ചോര്‍ത്തിയ മുഴുവന്‍ വിവരങ്ങളും പൂര്‍ണമായി മറച്ചിരിക്കുകയാണ്. ഇതൊക്കെ സംശയത്തിന് ഇടനല്‍കുന്നതാണെന്നും പിടി തോമസ് എംഎല്‍എ പറയുന്നു. സംശയങ്ങള്‍ ചോദിക്കുമ്ബോള്‍ കെ.എം.ഷാജിക്കെതിരെ കേസെടുക്കുമെന്ന് പറയുന്നത് മുഖ്യമന്ത്രിക്ക് ചേരുന്നതല്ലെന്നും പി.ടി തോമസ് പറഞ്ഞു.മുഖ്യമന്ത്രിയുടെ മകള്‍ വീണ ബംഗളൂരുവില്‍ നടത്തുന്ന ഐടി കമ്ബനിയുടെ വെബ്സൈറ്റ് അക്കൗണ്ട് സസ്പെന്‍ഡ് ചെയ്തതില്‍ ദുരൂഹതയുണ്ടെന്നും പി.ടി തോമസ് പറഞ്ഞു.