മുംബൈയിലെ ധാരാവിയില്‍ കോവിഡ് ബാധിതരുടെ എണ്ണം 100 കടന്നു
മുംബൈ: ഏഷ്യയിലെ ഏറ്റവും വലിയ ചേരിയായ മുംബൈയിലെ ധാരാവിയില്‍ കോവിഡ് ബാധിച്ചവരുടെ എണ്ണം 100 കടന്നു. വെള്ളിയാഴ്ച 15 പേര്‍ക്ക് കൂടി പുതുതായി രോഗബാധ സ്ഥിരീകരിച്ചതോടെ പ്രദേശത്ത് രോഗികളുടെ എണ്ണം 101 ആയി.
10 പേരാണ് ധാരാവിയില്‍ മാത്രം മരിച്ചത്. കോവിഡ് ബാധിച്ച്‌ ആശുപത്രിയില്‍ ചികിത്സയിലായിരുന്ന 62 കാരനാണ് വെള്ളിയാഴ്ച മരിച്ചത്.
ധാരാവിയില്‍ എട്ടു ലക്ഷം പേരാണ് തിങ്ങിപാര്‍ക്കുന്നത്. സമൂഹിക അകലം പോലുള്ള മുന്‍കരുതല്‍ നടപടികള്‍ സ്വീകരിക്കുക ഇവിടെ പ്രായോഗികമല്ല. ധാരാവിയെ നേരത്തേതന്നെ കോവിഡ് ഹോട്ട്സ്പോട്ടായി പ്രഖ്യാപിച്ചിരുന്നു. ഇവിടെ ഒമ്ബത് പ്രഭവ മേഖലകളും കണ്ടെത്തിയിട്ടുണ്ട്. ധാരാവിയുടെ വിവിധ പ്രദേശങ്ങള്‍ ബാരിക്കേഡുകള്‍ ഉപയോഗിച്ച്‌ പൊലീസ് നിയന്ത്രിച്ചു.
രാജ്യത്ത് കോവിഡ് ഏറ്റവും കൂടുതല്‍ റിപ്പോര്‍ട്ട് ചെയ്ത നഗരം മുംബൈയാണ്.