ഇടുക്കിയിലെ കോണ്‍ഗ്രസ് നേതാവ് എ.പി ഉസ്മാന്‍ ആശുപത്രി വിട്ടു
തൊടുപുഴ: കൊവിഡ് രോഗത്തിന് ചികിത്സയിലായിരുന്ന ഇടുക്കിയിലെ കോണ്‍ഗ്രസ് നേതാവ് എപി ഉസ്മാന്‍ ആശുപത്രി വിട്ടു. തുടര്‍ച്ചയായി നടത്തിയ കൊവിഡ് ടെസ്റ്റുകളെല്ലാം നെഗറ്റീവായതോടെയാണ് ഉസ്മാനെ ആശുപത്രിയില്‍ നിന്നും ഡിസ്ചാ‍ര്‍ജ് ചെയ്തത്.
ആലപ്പുഴ വൈറോളജി ലാബില്‍ നടത്തിയ ഒടുവിലത്തെ പരിശോധനയിലും കൊവിഡ് ടെസ്റ്റ് ഫലം നെഗറ്റീവായതോടെ ഉസ്മാനേയും ഉസ്മാനില്‍ നിന്നും രോഗം പക‍ര്‍ന്ന ചെറുതോണി സ്വദേശിയേയും വീട്ടിലേക്ക് വിടുകയായിരുന്നു. ഇരുവരും ഇനി 28 ദിവസം വീട്ടില്‍ സ്വയം നിരീക്ഷണത്തില്‍ കഴിയും. അതേസമയം തന്റെ ജാഗ്രതക്കുറവ് പോലും നാട്ടില്‍ രോഗം പടര്‍ന്നെന്ന മുഖ്യമന്ത്രി പിണറായി വിജയന്റെ പ്രസ്താവന തന്നെ വേദനിപ്പിച്ചെന്ന് ഉസ്മാന്‍ പറഞ്ഞു.