തദ്ദേശ വോട്ടര്‍ പട്ടിക പ്രസിദ്ധീകരണം 31 ന് ശേഷം
തിരുവനന്തപുരം: കൊറോണ വൈറസ് ബാധയെത്തുടര്‍ന്ന് നിരോധനാജ്ഞ നിലവില്‍ വന്നതോടെ തദ്ദേശ ഭരണ തെരഞ്ഞെടുപ്പ് വോട്ടര്‍ പട്ടികയില്‍ പേര് ചേര്‍ക്കാനുള്ള നടപടി ക്രമങ്ങള്‍ താത്കാലികമായി നിര്‍ത്തി വച്ചു. വോട്ടര്‍ പട്ടികയുടെ പ്രസിദ്ധീകരണവുമായി ബന്ധപ്പെട്ട തുടര്‍ പ്രവര്‍ത്തനങ്ങള്‍ 31വരെ താല്‍ക്കാലികമായി നിര്‍ത്തിവയ്ക്കാന്‍ ഇലക്‌ട്രറല്‍ രജിസ്ട്രേഷന്‍ ഓഫീസര്‍മാര്‍ക്ക് നിര്‍ദേശം നല്‍കിയതായി സംസ്ഥാന തെരഞ്ഞെടുപ്പ് കമ്മീഷണര്‍ വി. ഭാസ്കരന്‍ അറിയിച്ചു.
സംസ്ഥാനത്ത് ലോക് ഡൗണ്‍ പ്രഖ്യാപിച്ച സാഹചര്യത്തിലാണ് തെരഞ്ഞെടുപ്പ് കമ്മീഷന്റെ തീരുമാനം. കാസര്‍ഗോഡ് ഒഴികെയുള്ള ജില്ലകളില്‍ മാര്‍ച്ച്‌ 27നും കാസര്‍ഗോഡ് ഏപ്രില്‍ ആറിനും അന്തിമ വോട്ടര്‍ പട്ടിക പ്രസിദ്ധീകരിക്കാനായിരുന്നു നേരത്തെയുള്ള തീരുമാനം. വോട്ടര്‍പട്ടിക സംബന്ധിച്ച്‌ ഇലക്ടറല്‍ രജിസ്ട്രേഷന്‍ ഓഫീസര്‍മാരുടെ പ്രവര്‍ത്തനങ്ങളെ സംബന്ധിച്ച്‌ 31ന് ശേഷം സ്ഥിതി വിലയിരുത്തി അറിയിക്കുന്നതാണ്.