പൗരത്വ നിയമം: ആവശ്യമായ സമയത്ത്‌ യോജിച്ചസമരത്തിന്‌ തയാര്‍ -മുനീര്‍
കോഴിക്കോട്‌: പൗരത്വ ഭേദഗതി നിയമത്തില്‍ ആവശ്യമായ സമയത്ത്‌ വീണ്ടും യോജിച്ച സമരത്തിന്‌ തയാറെന്ന്‌ പ്രതിപക്ഷ ഉപനേതാവ്‌ ഡോ. എം.കെ. മുനീര്‍. സര്‍ക്കാറുമായി യോജിക്കാന്‍ കഴിയുന്ന എല്ലാ മേഖലകളിലും സഹകരിച്ചിട്ടുണ്ട്‌. ഡല്‍ഹിയില്‍ നിവേദനവുമായി പോകുന്നുണ്ടെങ്കില്‍ ആ സംഘത്തിലും തങ്ങളുണ്ടാകുമെന്ന് മുനീര്‍ വാര്‍ത്തസമ്മേളനത്തില്‍ പറഞ്ഞു.
പൗരത്വ ഭേദഗതി നിയമത്തിനെതിരെ യു.ഡി.എഫിെന്‍റ നേതൃത്വത്തില്‍ ജനുവരി 18ന് വൈകീട്ട്‌ നാലിന്‌ മഹാറാലി സംഘടിപ്പിക്കും. കോണ്‍ഗ്രസ്‌ നേതാവ്‌ കപില്‍ സിബല്‍ ഉദ്‌ഘാടനം ചെയ്യും. ഡി.സി.സി പ്രസിഡന്‍റ് ടി. സിദ്ദിഖ്‌, എന്‍. സുബ്രഹ്മണ്യന്‍, എം.സി. മായിന്‍ ഹാജി തുടങ്ങിയവരും വാര്‍ത്തസേമ്മളനത്തില്‍ പങ്കെടുത്തു.