ജിസാറ്റ് 30 ജനുവരി 17ന് വിക്ഷേപിക്കും
ബെംഗളൂരു: ഇന്ത്യയുടെ പുതിയ വാര്‍ത്താ വിനിമയ ഉപഗ്രഹമായ ജിസാറ്റ്- 30 ജനുവരി 17ന് വിക്ഷേപിക്കുമെന്ന് ഐഎസ്‌ആര്‍ഒ അറിയിച്ചു.
ഫ്രാന്‍സിലെ ബഹിരാകാശഗവേഷണ കേന്ദ്രമായ ഫ്രഞ്ച് ഗയാനയില്‍ നിന്നും വെള്ളിയാഴ്ച്ച ഇന്ത്യന്‍ സമയം പുലര്‍ച്ചെ 2 :35 നാണ് വിക്ഷേപണം.
ഇന്‍സാറ്റ്-4 എയ്ക്കു പകരമാണ് ജിസാറ്റ്-30 വിക്ഷേപിക്കുന്നത്. ബഹിരാകാശ വാഹനമായ അരിയാന്‍-5 ആണ് ജിസാറ്റ്- 30 മായി കുതിച്ചുയരുന്നത്. പതിനഞ്ചു വര്‍ഷം ദൗത്യ കാലാവധി കണക്കാക്കുന്ന ജിസാറ്റ് -30 ഡിടിഎച്ച്‌, ടെലിവിഷന്‍ അപ്ലിംഗ്, വിസാറ്റ് സേവനങ്ങള്‍ സുഗമമാക്കും.
ഇന്ത്യയിലും മറ്റ് ഏഷ്യന്‍ രാജ്യങ്ങളിലും ഗള്‍ഫ് രാജ്യങ്ങളിലും ഓസ്ട്രേലിയയിലും വാര്‍ത്താവിനിമയരംഗത്ത് കൂടുതല്‍ കവറേജ് ലഭിക്കുന്നതിന് ജിസാറ്റ്-30ന്റെ വിക്ഷേപണം സഹായകമാകുമെന്നാണ് പ്രതീക്ഷിക്കുന്നത്