തിരുവല്ലയില് സമരാനുകൂലികള് മൂന്ന് ബാങ്കുകള് അടപ്പിച്ചു
തിരുവല്ല: സംയുക്ത തൊഴിലാളി യൂണിയന്റെ പണിമുടക്കിനിടെ തിരുവല്ലയില് സമരാനുകൂലികള് മൂന്ന് ബാങ്കുകള് അടപ്പിച്ചു. ബാങ്ക് ഓഫ് ബറോഡ, ഫെഡറല് ബാങ്ക്, വിജയ ബാങ്ക് എന്നിവയുടെ ശാഖകളാണ് ബലമായി അടപ്പിച്ചത്.
പണിമുടക്ക് ദിവസം രാവിലെ ജീവനക്കാരെത്തി മൂന്ന് ബാങ്ക് ശാഖകളും തുറന്നു. പിന്നാലെ സമരാനുകൂലികള് മുദ്രാവാക്യം മുഴക്കി എത്തി ജീവനക്കാരോട് ശാഖകള് അടയ്ക്കാന് ആവശ്യപ്പെട്ടു. ഇതിനിടെ ചിലര് ചേര്ന്ന് ഷട്ടര് ബലമായി താഴ്ത്തുകയും ചെയ്തു. ഇതോടെ ജീവനക്കാര് പുറത്തിങ്ങാന് നിര്ബന്ധിതരായി. തുടര്ന്ന് ഇവര് ശാഖകള് അടയ്ക്കുകയായിരുന്നു.