സത്യപ്രതിജ്ഞ: കോടതി സ്വമേധയാ കേസെടുക്കണമെന്നും ആവശ്യപ്പെട്ട് പരാതി
തിരുവനന്തപുരം: കോവിഡ് വ്യാപനത്തിനിടെ നടത്തുന്ന രണ്ടാം പിണറായി സര്ക്കാരിന്റെ സത്യപ്രതിജ്ഞ ചടങ്ങിനെതിരെ കോടതി സ്വമേധയാ കേസെടുക്കണമെന്ന് ആവശ്യപ്പെട്ട് ഹൈക്കോടതി ചീഫ് ജസ്റ്റിസിനും സീനിയര് ജഡ്ജിക്കും പരാതി.
അനിൽ തോമസ് എന്ന അഭിഭാഷകനും ഡെമോക്രറ്റിക് പാർട്ടി സംസ്ഥാന പ്രസിഡണ്ട് ജോർജ് സെബാസ്റ്റ്യനുമാണ് ഹൈക്കോടതി ചീഫ് ജസ്റ്റിസിനും സീനിയര് ജഡ്ജിക്കും പരാതി നൽകിയത്.
കോവിഡ് സാഹചര്യത്തില് 700 ൽ കൂടുതൽ പേരെ വരെ ഉള്പ്പെടുത്തി സത്യപ്രതിജ്ഞ നടത്താന് നീക്കമെന്നാണ് പരാതിയിൽ ആരോപിക്കുന്നത്.
കോവിഡ് സാഹചര്യം കണക്കലെടുത്ത് സത്യപ്രത്യജ്ഞ രാജ്ഭവനിൽ നടത്താൻ നിർദ്ദേശം നൽകണമെന്നും കോടതി സ്വമേധയാ കേസെടുക്കണമെന്നുമാണ് പരാതിയിലെ ആവശ്യം.
ട്രിപ്പിള് ലോക് ഡൗണ് നിലനില്ക്കുന്ന തിരുവനന്തപുരത്ത് ചടങ്ങ് നടത്തുന്നത് നിയമലംഘനമാണെന്നും പരാതിയിൽ ചൂണ്ടിക്കാട്ടിയിട്ടുണ്ട്.