വയലിനിസ്റ്റ് ബാലഭാസ്കര് സഞ്ചരിച്ചിരുന്ന കാര് കാര് ഓടിച്ചത് അര്ജുനെന്ന് ഫോറന്സിക് റിപ്പോര്ട്ട്
തിരുവനന്തപുരം: വയലിനിസ്റ്റ് ബാലഭാസ്കര് സഞ്ചരിച്ചിരുന്ന കാര് അപകടത്തില്പ്പെടുമ്പോള് കാറോടിച്ചിരുന്നത് ഡ്രൈവര് അര്ജുനാണെന്ന് ഫൊറന്സിക് റിപ്പോര്ട്ട്. സ്റ്റിയറിങിലെയും സീറ്റ് ബെല്റ്റിലെയും വിരലടയാളം, സീറ്റിലുണ്ടായിരുന്ന മുടിയിഴകള്, രക്തം തുടങ്ങിയവ പരിശോധിച്ചാണ് ഫോറന്സിക് വിദഗ്ധര് ഈ നിഗമനത്തിലെത്തിയത്.
ഫൊറന്സിക് സയന്സ് ലബോറട്ടിയില്നിന്നുള്ള പരിശോധനാ ഫലം ക്രൈംബ്രാഞ്ചിന് കൈമാറി. ഫോറന്സിക് റിപ്പോര്ട്ട് പുറത്തുവന്നതോടെ, വാഹനമോടിച്ചത് താനല്ലെന്നു അര്ജുന് മൊഴി മാറ്റിയതിന്റെ ഉത്തരം കൈംബ്രാഞ്ചിന് വേഗത്തില് കണ്ടെത്താന് കഴിയും.
തൃശൂരില് ക്ഷേത്ര ദര്ശനത്തിനുശേഷം മടങ്ങുമ്പോള് സെപ്റ്റംബര് 25ന് പുലര്ച്ചെയാണ് ബാലഭാസ്കറും ഭാര്യയും കുട്ടിയും സഞ്ചരിച്ചിരുന്ന വാഹനം നിയന്ത്രണം വിട്ട് റോഡരികിലുള്ള മരത്തിലിടിച്ച് അപകടം ഉണ്ടാകുന്നത്. കുട്ടി അപകടസ്ഥലത്തും ബാലഭാസ്കര് ചികില്സയ്ക്കിടയിലും മരിച്ചു.