കാണാതായ നാല് മത്സ്യത്തൊഴിലാളികളെ കണ്ടെത്തി കരയിലെത്തിച്ചു
തിരുവനന്തപുരം: മത്സ്യബന്ധനത്തിനിടെ ബുധനാഴ്ച വിഴിഞ്ഞം ഭാഗത്ത് നിന്ന് കാണാതായ നാല് മത്സ്യത്തൊഴിലാളികളെ കണ്ടെത്തി. പല്ലുവിള കൊച്ചുപള്ളി പെള്ളികെട്ടിയ പുരയിടത്തിൽ യേശുദാസൻ(55), കൊച്ചുപള്ളി പുതിയതുറ പുരയിടത്തിൽ ആന്റണി(50), പുതിയതുറ കിണറുവിള പുരയിടത്തിൽ ലൂയിസ് (53), നെടിയവിളാകം പുരയിടത്തിൽ ബെന്നി(33) എന്നിവരെയാണ് ഉൾക്കടലിൽ നിന്ന് കണ്ടെത്തിയത്. ഇവരെ ഇപ്പോൾ കരയിലെത്തിച്ചു.
ഇവരുടെ ബോട്ടിന്റെ എഞ്ചിൻ തകരാറായതിനെ തുടർന്ന് കടലിൽ കുടങ്ങിക്കിടക്കുകയായിരുന്നു. മൂന്ന് ദിവസമായി കടലിൽ ഭക്ഷണം കഴിക്കാതെ അവശരായ ഇവരെ ആശുപത്രിയിലേക്ക് മാറ്റി. മറൈൻ എൻഫോഴ്സ് മെന്റിന്റെയും കോസ്റ്റ് ഗാർഡിന്റെയും നേതൃത്വത്തിൽ തീരത്ത് നിന്ന് 40 നോട്ടിക്കൽ മൈൽ ഇവർക്കായി തിരച്ചിൽ നടത്തിയിരുന്നു.