കര്ണാടക; രാജി പിന്വലിക്കുമെന്ന് വിമത എംഎല്എ
ബംഗളൂരു: രാജി പിന്വലിക്കാന് തയ്യാറാണെന്ന് വിമത കോണ്ഗ്രസ് എംഎല്എ ടി ബി നാഗരാജ് അറിയിച്ചു. കോണ്ഗ്രസ് നേതാവ് ഡി കെ ശിവകുമാറും ഉപമുഖ്യമന്ത്രി ജി പരമേശ്വരയും നാഗരാജുമായി നടത്തിയ ചർച്ചയിലാണ് രാജി പിന്വലിക്കാന് ധാരണയായത്.
അന്തിമതീരുമാനം അറിയിക്കാന് സമയം വേണമെന്നും സിദ്ധരാമയ്യയെ കണ്ടതിനു ശേഷം രാജിതീരുമാനം അറിയിക്കാമെന്നുമാണ് നാഗരാജ് പറഞ്ഞത്. മറ്റ് വിമത എംഎല്എമാരെ അനുനയിപ്പിക്കാം എന്ന് നാഗരാജ് ഉറപ്പ് നല്കിയതായും ഡി കെ ശിവകുമാര് അറിയിച്ചു.