മോദിയുടെ പ്രസ്‌താവനയെ ന്യായീകരിച്ച് കരസേനാ മേധാവി
കണ്ണൂർ: ബലാക്കോട്ട് വ്യോമാക്രമണ ദിവസം മഴമേഘങ്ങൾ മൂലം വിമാനങ്ങളെ കണ്ടെത്താൻ പാക് റഡാറുകൾക്ക് കഴിയില്ലെന്ന് താൻ നിർദ്ദേശം നൽകിയെന്ന പ്രധാനമന്ത്രി നരേന്ദ്ര മോദിയുടെ പ്രസ്‌താവനയെ ന്യായീകരിച്ച് കരസേനാ മേധാവി ബിപിൻ റാവത്ത് രംഗത്തെത്തി. മഴമേഘങ്ങൾക്കിടയിൽ പെട്ടാൽ യുദ്ധവിമാനങ്ങളെ കണ്ടെത്താൻ കഴിയാത്ത രീതിയിലുള്ള റഡാറുകളും ഉണ്ടെന്നാണ് അദ്ദേഹത്തിന്റെ വെളിപ്പെടുത്തൽ. ഇത് റഡാറുകളുടെ സാങ്കേതിക വിദ്യയെ അടിസ്ഥാനമാക്കി വ്യത്യാസപ്പെട്ടിരിക്കുമെന്നും അദ്ദേഹം വ്യക്തമാക്കി. പ്രധാനമന്ത്രിയുടെ പ്രസ്‌താവന ശ്രദ്ധയിൽ പെടുത്തിയപ്പോൾ ആയിരുന്നു അദ്ദേഹത്തിന്റെ പരാമർശം. ഏഴിമല നാവിക അക്കാഡമിയിൽ വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം.