ഏലയ്ക്കാ വിലയില് റെക്കോര്ഡ് വര്ദ്ധനവ്; കിലോയ്ക്ക് 3000 രൂപ
കട്ടപ്പന: ഏലയ്ക്കാ വില കിലോയ്ക്ക് 3000 രൂപ കടന്ന് റെക്കോര്ഡിലെത്തി. ചരിത്രത്തിലാദ്യമായാണ് ഏലയ്ക്കായ്ക്ക് എറ്റവും ഉയര്ന്ന വില രേഖപ്പെടുത്തുന്നത്. പുറ്റടി സ്പൈസസ് പാര്ക്കില് നടന്ന ഇ-ലേലത്തിലാണ് ഏലയ്ക്ക സര്വ്വകാല റെക്കോര്ഡ് രേഖപ്പെടുത്തിയത്.
ലേലത്തില് വില കുതിച്ചതോടെ കട്ടപ്പന കമ്പോളത്തിലും വില 2000 രൂപയോളമെത്തി. ലേലത്തില് ഒരാഴ്ചയായി ഏലയ്ക്കായുടെ ശരാശരി വിലയും ഉയര്ന്നിരുന്നു.
വേനലില് ഏലച്ചെടികള് കരിഞ്ഞ് ഉത്പാദനം കുറഞ്ഞതാണ് വില ഉയരാന് കാരണമെന്ന് വ്യാപാരികള് പറയുന്നു. ഏലയ്ക്കായുടെ കുത്തനെയുള്ള ഈ വിലക്കയറ്റം വ്യാപാരികളിലും ആകെ അമ്പരപ്പുണ്ടാക്കിയിരിക്കുകയാണ്.