ഡി.ജി.പി ജേക്കബ് തോമസ് സർവീസിൽ നിന്ന് വിരമിച്ചു
കൊച്ചി: ഡി.ജി.പി ജേക്കബ് തോമസ് സർവീസിൽ നിന്ന് വിരമിച്ചു. വി.ആർ.എസിനായി അദ്ദേഹം ചീഫ് സെക്രട്ടറിക്കും കേന്ദ്രസർക്കാരിനും കത്ത് നൽകി. ജേക്കബ് തോമസ് ചാലക്കുടി മണ്ഡലത്തിൽ ട്വന്റി ട്വന്റി സ്ഥാനാർത്ഥിയാകുമെന്ന് പാർട്ടി ചീഫ് കോർഡിനേറ്റർ സാബു എം. ജേക്കബ് സ്ഥിരീകരിച്ചു.
1985 ബാച്ച് ഐ.പി.എസ് ഉദ്യോഗസ്ഥനായ ജേക്കബ് തോമസിന് ഒന്നര വർഷത്തോളം സർവീസ് ബാക്കിയുണ്ട്. കേരള കേഡറിലെ ഏറ്റവും സീനിയറായ ഐ.പി.എസ് ഉദ്യോഗസ്ഥനാണ് ജേക്കബ് തോമസ്. 2017 ഡിസംബർ മുതൽ സസ്പെൻഷനിലായിരുന്നു അദ്ദേഹം.