ത്രാലിൽ നടന്ന ഏറ്റുമുട്ടലിൽ രണ്ട് ഭീകരരെ സുരക്ഷാ സേന വധിച്ചു
ശ്രീനഗർ: പുൽവാമയിലെ ത്രാലിൽ നടന്ന ഏറ്റുമുട്ടലിൽ രണ്ട് ഭീകരരെ സുരക്ഷാ സേന വധിച്ചു. ത്രാലിലെ ഒരു വീട്ടിൽ ഭീകരരുടെ സാന്നിധ്യമുണ്ടെന്ന രഹസ്യ വിവരത്തെ തുടർന്ന് ഇന്നലെ രാത്രി മുതലാണ് സേന തിരച്ചിൽ ആരംഭിച്ചത്. ഇതിനിടെ സേനയും ഭീകരരും തമ്മിൽ വെടിവയ്പ്പുണ്ടാവുകയായിരുന്നു.ഏറ്റുമുട്ടൽ ഇപ്പോഴും തുടരുകയാണ്. പ്രദേശത്തെ ഇന്റെർനെറ്റ് സേവനമടക്കം നിർത്തലാക്കിയിട്ടുണ്ട്. കഴിഞ്ഞ ദിവസം ഹന്ദ്വാരയിലുണ്ടായ ഏറ്റുമുട്ടലിൽ രണ്ട് സി.ആർ.പി.എഫ്. ജവാന്മാർ ഉൾപ്പെടെ അഞ്ചുപേർ കൊല്ലപ്പെട്ടിരുന്നു. ജവാന്മാർക്ക് പുറമെ രണ്ട് ജമ്മുകശ്മീർ പൊലീസ് ഉദ്യോഗസ്ഥരും ഒരു നാട്ടുകാരനുമാണ് ഭീകരരുടെ വെടിവയ്പ്പിൽ കൊല്ലപ്പെട്ടത്.