ടിപ്പർ ലോറി സ്കൂട്ടറിൽ ഇടിച്ച് അച്ഛനും മകനും മരിച്ചു
റാന്നി: പുനലൂർ-മൂവാറ്റുപുഴ റോഡിൽ മന്ദമരുതിക്കും ചെല്ലക്കാടിനുമിടയിൽ ടിപ്പർ ലോറി സ്കൂട്ടറിൽ ഇടിച്ചുണ്ടായ അപകടത്തിൽ സ്കൂട്ടർ യാത്രക്കാരായ അച്ഛനും മകനും മരിച്ചു.പത്തനാപുരം പുന്നല പൂക്കുളഞ്ഞി സ്വദേശികളായ ചരിവിൽ പുത്തൻവീട്ടിൽ പീരു മുഹമ്മദ് (50) മകൻ മുജീബ് (28) എന്നിവരാണ് മരിച്ചത്. തിങ്കളാഴ്ച ഉച്ചക്ക് രണ്ടരയോടെയാണ് സംഭവം. തടി ബിസിനസുകാരായ ഇവർ തടി നോക്കാനായി റാന്നിയിൽ നിന്നും സ്കൂട്ടറിൽ മന്ദമരുതിയിലേക്ക് പോകുമ്പോഴായിരുന്നു അപകടം. ഇരുവരെയും റാന്നി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. റാന്നി പോലിസ് മേൽനടപടികൾ സ്വീകരിച്ചു